May 30, 2017 by SunStar Superbalita-Cebu

Sa pahinumdom sa deklarasyon sa Philippine Independence, ang Palm Grass Hotel mosaulog sa payukbo sa lider sa rebolusyon sa 1898 Tres de Abril, si Pantaleon Villegas o mas naila nga “Leon Kilat”, pinaagi sa iyang obra maestra.

Ang Palm Grass, bugtong heritage hotel sa Sugbo, mosaulog sa 119th Anniversary sa Philippine Independence, uban sa tema nga “Kagawasan 1898: Kilat. Kulit. Kagawasan” uban sa paglusad o pagpakita sa Leon Kilat Wood Relief Sculpture karong Hunyo 12 sa alas 2:30 sa hapon ngadto sa alas 5:30 sa hapon sa Kapihan ni Lumaya.

Si Gen. Emilio Aguinaldo nibasa sa Declaration of Independence ug nikawaykaway sa Philippines sa balcony sa iyang ancestral home sa Ca­vite II el Viejo (present-day Kawit, Cavite) niadtong Hunyo 12, 1898.

Sa sayo pa sa samang tuig 119 ka tuig ang nakalabay, si Leon Kilat nangulo sa mga Katipuneros sa Sugbo sa Battle of Tres de Abril. Niadtong Abril 3, 1898, si Kilat nakigaway uban sa Cebuano Katipuneros aron pagkab-ot sa kagawasan gikan sa Spanish colonial rule.

Ang artwork maoy unang paghulawgay ni Leon Kilat sa arte sa kahoy o carving.

Ang wooden sculpture ginama sa Palm Grass Hotel’s gallery curator ug design consultant, Radel dela Costa Paredes.

Si Paredes nikuha sa Bachelor of Fine Arts ug Master’s Degree in Philosophy sa University of San Carlos.

Lakip sa iyang exhibits nga giapilan mao ang 12×12 International Art Festival sa Paris, France niadtong 2013. Niapil sa KITA: Philippine-Indonesia Art Exchange (Cebu and Bali), 2012 Guest Artist sa China-ASEAN EXPO Art Workshop, Nanning City, Guangxi, sa 2013 ug ua ka Juror China ASEAN Youth Art and Creativity Contest, Nanning City, Guangxi, sa 2006, 2007 ug 2008. PR

Read more: http://www.sunstar.com.ph/superbalita-cebu/kalingawan/2017/05/30/palm-grass-hotel-mosaulog-sa-kilat-kulit-kagawasan-544711
Follow us: @sunstaronline on Twitter | SunStar Philippines on Facebook